年尾

好耐冇打文, 手痕又打返。(其實係心裡面有種種屈結, 口齒已經不清, 就無謂用口講了)

數數糧單, 已經有6大張了, 唔經唔覺, 做左呢份自己都以為頂唔順既工有大半年。

雖然我知唔算長, 但係個人好似劉德華咁, 一晚長大。

公司有個同男神同名既人, 唔知點解我覺得我係依家鐘意緊人。

如果人生只係為左打工, 就真係太無聊啦, 見到可以keep住返工既人, 都係有人地企硬既態度, 咁樣先不至於人生中冇左自己。但係依家既我只係一隻牛, 再勤力都只係得草食, 係囉, 唔會有肉食。

響一個半政府機構, 見盡人生百態, 奸人, 八婆, 大太監, 完全冇膊頭既男人, 見死不救既賤人, (其實係同一個人), 總言之好恐怖, 好似一齣古代攻心計既戲, 我仲天真咁以為依家既辦公室已經唔會有D咁既野。

響年尾, 見返絕左交既朋友?! 都已經唔知大家係算咩關係, 就係果種大時大節都唔會同大家講句聖誕快樂之類咁, 我應該註定成世都係咁, 識埋D咁既無良朋友, 一年見一次咁, 不如不見。

有咩感覺, 唔知呢, 好似俾人強暴完自己著返衫, 沖埋涼冷靜完, 想再俾人強暴咁。以為自己習慣左冇晒感覺, 點知到頭來, 只有失憶既人繼續失憶, 唔記得自己強暴過你, 又或者扮唔記得, 選擇由我地既關係稀爛落去, 再俾人反問一句, 你就唔岩啦, 黎呢頭做野都唔搵下我地,, 講到好似你錯晒咁, 可能我就係咁命賤, 響人地地頭做乜鬼丫, 唉, 犯賤。

公司果個, 以為自己定力夠唔會再咁變態鐘意對我差既人, 事實係我又再由有好感, 到憎恨, 到厭惡, 到證實自己鐘意人, 只係要幾耐時間去演變。 由佢望我既眼神我知佢係專烚我, 咁先慘, 唔鐘意咪算囉, 都唔好撚化我丫!!!!!妖

我既世界究竟已經到左個幾唔係自己既地步, 好似好難行, 我都唔知, 我只想用ipad mini看一路各西。

無題

有咩慘得過同名同性(性格)既人會出現響一個老地方, 我開始覺得係自己搞到自己咁既田地, 迫不得已我唔想去果度, 唔想有時食飯要去果度, 連行過既路佢講過乜鬼野我都仲記得, 咁樣先最慘。

我遇見另一位相關既人, 但係佢見唔到我, 我靜靜在觀察一切, 希望人地會見到自己, 其實我更希望佢見到我然後我見到佢, 有時諗我會想重新再認識佢地, 事隔一年, 冇見一年多, 再見又係咪好事, 可能人地早就唔記得左你, move on左好耐, 而其實我唔係唔想move on, 而係公司入面有個同佢都幾似既人, 自己已經起晒gong, 唔想同佢有任何交談, 唉。

好想放棄, 又會諗都行到呢一步, 玩到咁, 有咩再絕d做唔出, 佔領左舊地方, 開心啦, 原來感覺見唔返相關既人係咁唔開心, 甚至懷疑佢係咪已經唔係度住, 而其實去驗證又唔係話唔得, 只係驚人地知道左都係一句"哦, 你乜係呢頭返工, 得閒咪食下糖水囉!!" 我唔係要糖水, 我係要你囉。唉。

份工又係咪自己想做既野, 唔係囉, 反而知就算做到高層都會死好多細胞, 不過又有邊份工我鍾意過既JE, 都唔想多諗。

究竟唔開心到極點又會點呢, 唔通真係去死咩, 只希望唔開心多一陣陣, 就世界沒日。

可能我真係唔識同男人相處, 因為對著佢地都會好唔耐煩, 有拖拍曉飛咩?! 我只係想試新野, 想感受有條友好鍾意好想同我過每一秒既感覺je。

失控

我既人生已經進入左一個失控既階段, 冇人去control, 我自己都唔想理, 可能上班既壓力太大, 連自己係邊個都唔鬼記得, 嘗試用一個唔知想點既心態去捱, 感覺差到極, 又要離開一個已習慣既地方, 去一個陌生/似曾相識既環境, 感覺太錯綜複雜, 自己都唔識解讀, 只係知好想搵返佢地, 好想可以坐低聚一聚, 只係估唔到又會係我最先掛住人, 忍唔到, 唉~

我知道我既人生必須重新上路, 認識一d新既人, 真係希望可以多d男性朋友, 依家既生活實在太唔平衡, 好想死。

可能一切都係註定, 註定我要去返傷心地, 有咩方法好得過親臨此境, 然後角色人物換了, 我希望我還過得下去, 如果上天有眼, 就應該俾佢見返我, 然後我拖住另一男仔既手, 那就是我最大的報服了, 我想多了......

害怕面對人群, 請不要讓我難過

Life is a fucking pain

如果好命 我上上年已經俾人睇中 奉子成埋婚
如果好命 我依家應該有份正常人有既工 有廿四歲同齡人應該有既人工
如果好命 我就唔會鐘意極都係同一個賤人 兩年黎都係同一個人 仲要鐘意既程度有加冇減
如果好命 我唔會俾小學同學add返 但係齋add唔follow up
如果好命 我唔會見到mountain dew諗起佢 見份將來要去小西灣返工既工驚會撞到佢
如果好命 我唔會要返六日工 返到人面全非
如 果 我 好 命 我唔應該成日覺得自己都幾靚女冇理由要咁早走去死
如 果 我 好 命 曾經我好鐘意都幾鐘意既衰人 到頭黎好鬼死鐘意我
如 果 我 好 命 我唔駛做d咩去令自己睇落呢排撈得好好
如      果      我        好       命   某君就應該身敗名裂 而唔係風流快活

度日如年

最近返了一星期的full time工作, 很不習慣, 可是身體還算撐得住, 只是有點身心俱疲的感覺吧了。

所有人都待我很好, 這是需要感恩的, 沒有職場上的人事博力可以說好很多, 只是別人對我愈無微不至, 我愈是想吐嘈, 把心底話說個痛快, 真恨自己守不住秘密, 可能一些事一直都抑壓著, 只是沒有合適的時候釋放出來吧了。

每天都用"做埋今日就唔做"的心態去應付一切負面情緒, 可能潛意識就是太恐懼那兩年長的合約, 還有那兩個月的辭職通知, 就像一個肯要你但你不太愛他的一個男人跟你求婚一樣, 你是半推半就的狀態去接受, 心底裡知道自己想要的只是名份/金錢, 我鄙視自己, 雖說沒有最理想的工作, 返工就是一門學問, 是一場長期抗爭, 只要你不做逃兵, 大抵沒有什麼流血收場的, 可是我在愛情工作上都選擇了做逃兵, 可能我對不太確定的事情都沒有憧憬, 就像最近看了youtube很火紅的100天短片, 說的道理太好, 即使你願意100%付出努力, 世上所有事都是雙向的, 凡事只做99%, 那一個%是別人看了你付出了99%的回應, 如果你做到100先有1, 你永遠都得付出, 付出, 然後再更努力付出, 直至你無法接受自己已變了質, 做了100後, 已找不回當初的動力, 雖然什麼事都不應放棄, 只是這跟放棄又不太相同, 只可以說這是一個考驗, 測試自己在別人心中的重要性, 嗯, 我知道很難明白, 我也不懂怎去解釋, 知道就好了。

看到很少的事都會觸發很多情感, 只能說天意弄人, 如果這條路是上天給我安排的, 我會感到害怕, 因為這條路對我來說太長, 而且工作性質壓力也大, 又是單打獨鬥, 已經很厭倦, 在寂寞裡找安慰, 可能我命犯天殺, 那我為什麼不到日本一個人流浪呢, 每天放工都是一個人慢慢走回家, 站在沒有空位的車廂, 搖搖晃晃的歸家, 突然發覺自己也未免太可憐了, 一直住在屯門這x遠的地方, 在這地方找不到快樂, 沒有歸屬感, 沒有最好的朋友, 沒有勇氣走回學校看看認識的人或事, 一整個就是很黑暗。

大病不死

話說我呢幾日都係唔知發生過咩事, 係因為病到癲左, 未試過咁病, 先係發燒唔肯退, 連燒兩日, 當前日以為病情有d好轉既時候, 竟然喉嚨爆痛, 係飲水都覺得痛, 食慾都大減, 奇蹟係我既食量原來可以好細, 有食過就好, 但人未有瘦, 只係面色更慘白, 食埋特效抗生素面變得胞滿眼都變更大?! 反正人就更加在狀況外, 加上最近天氣惡劣, 時冷時焗, 而且成日都唔夠衫既我, 在強勁藥力下變得更堅壯, 但喉嚨痛真可大可小, 建議各位有事及早就醫, 我差d就痛到入急症室了, 反正我是處於極度冷靜既狀態, 可能因為咁企硬唔去急症, 所以d病菌投降, 如果唔係可能我就會歸西了。

在巨病中掙脫過來, 覺得體質都變差了, 需要調理, 但在此時又有新工作需要應付, 而且上過一日試工後(係!有trial!!) 體力勞動極多, 真不知自己是否應付得來, 不過睇完3次230蚊既醫生, 我淨係想賺錢, 但真的很累!!!! 而且其實自己心知自己唔鐘意太前線既工作, 雖然簡單, 但壓力也大, 唉, 總係搵唔到一個平衡點, 好煩!!!! 但4月又快完, 真係唔想再大海撈針, 本死無大害, 可能要去作賤一下自己, 自我中心先至會下降一d!!!!

馬騮戲

嗯, 我昨晚真的很火滾, 話說尋晚就係麻麻既生日, 當然例牌又要見一班你好唔想見既親戚, 可能係因為自己失業, 自信心下降既關係, 所以連裝扮既心都冇, 我就係咁, 響頹既時候你叫我扮精靈係多餘, 有時更想表現既係自己呢排真係唔掂, anyway你既出現唔會係重點, 只係你既名有出現你個人坐成晚人地都可以當你透明。

一直都係坐細路檯既我同家姐, 依然坐緊我地最愛而且冇是非既細路檯, 可恨既係席中既表弟們都已經唔係細路, 每個人都手持一部iphone, 一式一樣連套都懶得買, 自己一部老豆老母一部, check完自己部whatapps,(根據目測)又去另一部打機, 幾咁威。 家姐仍然很落力搲話題, 但表弟一句起兩句止, 一問一答, 短問短答, 長問都係短答, 我唔怪佢, 因為呢個age係最自我中心最睇唔順超人地問自己讀緊幾年班呢樣果樣既階段, 完全明白, 只係感慨連我自己都唔想同佢地有任何交流, 因為我真心都唔想成為被討厭的。

大人席又例牌地高談闊論佢地既上流生活下流人生, 例如同齡既表妹已經去學車(FINE好多人都夠秤就去學) 最睇唔過眼既係佢阿媽迫佢學仲講到係自己想學, 睇黎佢已經被嚴重洗腦同化, 人地換車去學車, 去跑馬地考車, 睇怕我地既生活會愈來愈唔同, 表弟30+去飲杯咖啡唔做30蚊PER HOUR既PT, 其實我唔係話呢D生活有幾咁豪, 而係財大氣粗既可悲, 細既學D大, 講野都大大聲, 係既, 我地呢D窮表姐係唔入流, 有時連自己都原諒唔到自己。

馬騮戲好快散場, 每個人唔知做乜鳩要逐個響眾人面前祝壽, 已經被溺愛金錢掛帥既麻麻向我地各人講左句:賺多D~幾咁門面, 既咁唔要面, 最好你買個鑲金既棺材過佢, 咁佢就死得眼閉啦!!!

都係果句: 我都有今日, 好自為之。

無限 復活????

今個復活節其實都係hea hea下, 所有birthday想見既人, 都在復活節約左出黎, 邊個係真心膠交我諗我都仲分到, 一日仲要斬件見唔同人, 的確係爽, 但得返黎既information亦都太多, 一時之間處理不來。

首先係朋友既男友搵到筍工, 唔知點解佢仲愁過我, 一個連工又未搵到男友又冇既人(我)應作何感想?!(唔知!!) 有時知足呢家野, 真係未折墜過又點會知, 呢刻人地唔明都好正常。我還是期望, 先苦後甜, 唯有望就咁望。

又, 發覺復活節d人唔知係咪咁突然念舊, 連我一直在網上人肉搜索既小同都主動add返我 (真係以為佢地死左!), 第一下真係堅開心, 之後又覺得失落, 因為就算人地變到幾好, 我都冇一齊經歷過,  一下子見到既都係別人既成果, 緊係葡萄啦!!!!

有時見到人地咁精彩既fb, 突然間都唔係羨慕, 而係諗自己黠解做左咁多年人都唔行駛呢d權利, 包括: 日以繼夜玩左先算, 鐘意做咩就做咩, 仲會覺得自己一直proud of 既野原來都唔係果回事, 例如你以為自己貪新忘舊, 爛玩, 有d本錢etc, 人地係唔同層次, 你會知自己幾咁無知。

而Followup又係咩?!(唔知!!!) 交換埋whatsapps, meetup soon, 無了期咁等人地free, 似乎已經係重複又重複。有時都唔想太focus以前自己係點點點, 我地係幾咁friend之類, 錯過左既野, 真係無得返轉頭, 又係果句: 響我最需要你既時候 你又去左邊丫!!!

最憎既都係d人成日話突然某日掛住你想人肉返你, 呢d reason係就係真心, 但都知見完滿足完佢地最原始既慾望, 我又變返佢地最初拋棄既果個人。

冇呀, 依家我究竟即係想點, 又話你自己都成日想見返人, 我承認我都會掛, 但呢一刻我最想去一個遙遠既地方, 最好可以洗腦, 唔想記得所有人所有事, 重新做人。

對唔住, 如果我呢篇野另你地對我失望, 因為我就係咁翹煩咁小氣, 希望有朝一日你會明白。

廿 四

嗯...來到今天正式廿四歲了, 好像離開年青已經好遙遠, 廿五歲更是女人大限之期, 咩結婚, 買樓, 乜春都應該係廿五歲做晒佢, 咁我莫非只有一年時間衝刺?!

人大了對慶生沒有更大的追求, 只但求有心愛的人在旁, 點個小蠟燭, 甜蜜的又大一歲, 很可惜到現在還沒有對象, 更徨論拍拖, 地拖都冇:(

人大了生活更會倒退, 從前對某些事的執著, 現在沒有了, 更沒有因為咁而難過, 只有點唏噓, 發覺到大時大節只會頭痛, 好像避世的心愈來愈重, 最好生日不要望facebook, 不要查電話msg, 我更會刻意delete facebook的生日日期, 測試邊個真心記得我生日, 然而 發覺世間上居然有連自己生日都唔記得既人, 我就開始沒那麼執著了, 因為慶祝自己來這個世上畢竟我覺得沒有什麼好慶祝的。。
 雖然話就話乜都冇咩所謂唔care, 但其實每個人心底裡都憧憬過一個完美既生日趴, 那我的又是怎樣呢?! 嗯 其實我wish list可以水蛇春咁長ga! 好想有人為我搞dress code birthday party! 我強調一個派對的感覺很重要, 因為我討厭分批吃生日飯, 雖然不同類別的朋友要分開見, 但我還是想他們出現在同一環境, 我就是那些希望"大家一齊玩"既白痴願者, 而生日p的內容當然都少不了飲飲食食, 播放自己最喜歡的音樂, 簡單說就是美劇那些生日p了~ 香港人都很悶-.-

好啦好啦 其實今年的生日過得不錯的 (今日都未過完-.-) 就係老姊帶我去四季酒店食high tea啦~
真希望可以每天吃, 那感覺太好了~

見到

好似brad pitt既靚鬼仔, 家姐死話佢好普通...人地同韓國妹撐檯腳囉~!!

#foodporn

酒店的macaron都冇餅鋪的好味!!~

仲要俾我地撞到郭炳江呀!!!!!果日咁岩係CY當選, 佢講野勁大聲, 但講咩聽唔到, 應該大概係勁失望唐唐做唔到, 話時話我係撐隻豬ga!!!!

最後最後, 我最開心既應該係食完high tea後, 等巴士期間撞到我家姐個朋友, 即我男神, 佢仲同我講左句生日快樂, 開心到飛天~~~~報告完 嗶~

Food porn

最近玩instagram, 看到有人tag了一個foodporn一詞, 雖然大概估到其意思, 但仍非常感興趣, 相信閣下如google #foodporn一詞已search到不少笑料。

Food porn is a glamourised spectacular visual presentation of cooking or eating in advertisements, infomercials, cooking shows or other visual media,^[1] foods boasting a high fat and calorie content,^[2] exotic dishes that arouse a desire to eat or the glorification of food as a substitute for sex.^[3] Food porn often takes the form of food photography and styling that presents food provocatively, in a similar way to glamour photography or pornographic photography.

轉自 wikipedia

其實人愈大就愈來愈愛吃, ( 大陸人稱為"吃貨"! 為什麼總感到有些貶義?!) 近年來更愛上吃甜品, 認真大穫~~~ 其實由小到大本人對食都求求其其是是但但, 不會因吃不到好野而慨嘆, 只會因遲了進食而大怒......學小丸子金句:只有吃的時候才不覺肚餓, 最近倒覺得說得很對!~

由染上唔知點解要食貴野, 到食環境, 現在每次去街都幾乎會openrice先食, 如約了朋友更會勁認真選址進食, 已經到了一個自覺麻煩的地步, 問題是, 為什麼下等人的我要過著上等人的生活, 相信麻油杯麵的日子又是時候出動了。

常發夢有天會有人邀請我去吃什麼份子料理, 各國名菜, 新店試食等, 就是那種一日三餐都可以吃很好很豪那種.......亦很羨慕表妹跟我說她有甜品腳, 吃飯也要有人陪有對象, 應該要等下世了, 最近心境果然很古怪-.-

picture from iphone

最近與友人吃在cova, 實在相當懷念~~